بسم الله
اول شي بشكرك حبيبتي على الموضوع الحلو مع انو فيو فضايح
بس انا رح اكون اد هاد الشي واحكي بصراحه
اول شي بالنسبه للادمن انا بقول فعلا الكلام الي حكاه مزبوط فيو كتير من شخصيتو مع انو في شغله ما ذكرها بس المهم كلاموا في صدق وانا على فكره عندي نظره للناس يعني بعرف احكم على الناس منيح
يلا انبسطت ادمن ما رح اكتر عليك حكي ما شاء الله عنك ما في شي بنحكا عليك وما بقدر حتى احكي عليك انت عزيز كتير علي
واكيد الهام انو انتي كمان انسانه كتير طيبه وهاد مبين عليكي وانا مبسوطه كتير اني اتعرفت عليكي وانتي كلامك مزبوط لانو مبين عليكي الي حكتيه
بعرف انا بحكي كتير بس استحملوني
يلا انبلش بالاجوبه
اول سؤال: المرآه ما بحبها وما بحب اطلع على حالي يمكن لانو صابني شي اسموا عقدة حب الشباب من انا وصغيره عشان هيك كنت احاول كتير ما اطلع بحالي وعلى وجي
وانا اسنانه بسيطه كتير لدرجه غريبه يعني بحب اعيش عيشه زي ما انا عيشيتها هلاء لدرجة انو انا ما بحس بالامان وما بنبسط اذا رحت مكان غير المخيم وبحس حالي غريبه برغم من فقر مخيمنا والبساطه الي فيه بس خلص اتعودت على عيشتنا لو انها فيها معناة
وطبعا بحب كل الناس وما بحب احقد على حدا وما عندي نوع من الغيره بالعكس
انا عنجد زي ما قلتي انو عندي ردود عصبيه بس هاد ما بيعني انو انا عصبيه انا بالسنه لاعصب مره
يعني كتير هاديه وباخد المواضيع بشكل بسيطه حتى لو انجرحت بالحكي وبلحظه بنسى كل شي
السؤال التاني:
كمان طفولتي ما كانت حلوه هلاء الاعضاء بدن يفقعو مني
بس هاي الصراحه انا وعيت وما عندي خوات بس عندي 3 اخوه وما كنت العب مع حدا واضلني لحالي وحابسه حالي بالغرفه يعني ما اتمتعت بشي اسموا طفوله
كانت الوحده مسيطره علي
بس هلاء اختلف الوضع صرت اعاشر الناس وبالعكس صار حكي كتير يمكن لانو ازهقت من الي انا كنت فيه
السؤال الثالث:
العاده الي بكرهني الجميع فيها هي التسامح لانو انا الهبله ما بعرف غير اسامح وما بعرف اخد موقف وهاد الشي بخلي اهلي يعصبو مني
السؤال الرابع :
الشقين الجيد هو اني طيبه وما بأذي حدا وما الي بالناس وما بحكي على حدا
الشي السيئ فيني انو عنيده شوي يعني الي براسي براسي ما حدا بقدر يأثر علي عشان هيك بقلولي بالبيت عنيده
السؤال الخامس :
هواياتي ما عندي شي محدد يعني بحب اتعرف على كل شي بحب اتابع اخبار مثلا بحب اقرا اشعار وبحب اكتب كمان بس صارت معي مره شغله صرت ابعد عن الكتابه هو انو كنت مره قاعده بكتب رساله زي رسالة جبران لمي المعروفين فاخوي شافها وانجن وما عاد يصدق انو هاي الرساله ما لحدا وقتها صرت ابكي ومزعت كل شي بتعلف بشي انا كتبيتوا هههههههههههههههه
السؤال السادس:
اكره شي عندي الكذب بحسها شغله ما منيحه خصوصا انا بتعامل مع الناس بعفويه ما بحب حدا يكذب علي
السؤال السابع:
انا ما محبي التلفزيون يعني بزهق بسرعه بس بحب اطلع على البرامج الوثائقيه وبحب كمان اتابع الاخبار الي هي اساس حياتنا
السؤال الثامن:
المغامرات كتيره والله بس اكتر شي بس نطلع احنا والبنات مشوار من دون ما نقول لاهلينا وشوفوا بنصير نعمل الف حساب على البهدله وكتير صايره معنا
السؤال التاسع:
ما عندي مسلسل محدد انا ما بحب اتابع كتير
السؤال العاشر: افضل كتاب هو كتاب الله عندي ونفسي احفظوا وان شاء الله بحفظوا لاني متشوقه كتير على الحفظ وفعلا عم بحفظ
وما عندي كتاب محدد يعني بقرا اكتر شي بشي يفيدنا وهي زي ما ذكرها ادمن قصص الانبياء والسيره النبويه وهيك شغلات
السؤال الحادي عشر:
اكره في حواء انو كل شي صار همها الموضه وهيك شغلات وبتلاقي تصرفات بتستغرب انو كيف بعملوها وكل هاد لانو فاهمين الانوثه غير مفهومها الي هي كلها عفويه واحترام
اكره شي هو انو التكبر وانو هو بعمل حالو شي شغله
السؤال الثاني عشر:
الشي الي بفتقروا الناس لالو هو محبة الله ومحبة الناس لبعضا
السؤال الثالث عشر:
امنيتي اني اموت وربي راضي عني واكون خاتمه القران وكمان امنيتي انو اخد الي بحبو لو شو ما صار
السؤال الرابع عشر:
انا بعرف اغلبية الي بالمنتدى ورح اعطي راي بصراحه
اول يش الادمن على راس الكل طبعا هو الادمن والمسؤول عنا هون هو انسان كتير منيح وانا اتعرفت عليه بالصدفه وفعلا من خلال الايام لقيتو انسان طيب وان شاء الله يضلو هيك على طول وبحسوا كمان انو هو بحافظ علينا كونا كل الي هون الاغلبيه بنات
وطبعا عنا احلى عالم اسم على مسمى هي فعلا بتقربلي انا بكون بنت عمتها وهي من الشله وقاعدين ببناي وحده وفرح كتير طيوبه وما في شي بقلبها واحنا دايما بنتخانق بس عن مزح يعني معاشرين بعض كتير
وفي عنا رورو مشاركتها قليله بس هي ارفيقتي وانا كمان بكون بنت عمتها وهي من الشله كمان واحنا بنضلنا مع بعض على طول يعني هاي المغامرات الي بتصير معي انا وياها بنقوم فيها وبنام مع بعض كمان يعني ليلا نهارا
وهلاء دورك يا ست الهام انت صرتي صديقه عزيزه على قلبنا كتير وفعلا حبيتك كتير وان شاء الله اضلك هيك
السؤال الخامس عشر:
الكلمه الاخيره هي ان شاء الله انضلنا هيك ويقوى المنتدى على ادينا
السؤال الخامس عشر:
بحب الكل يحكي ويرد
واكيد الي وراي بتمنى تكون احلى عالم
وشكرا كتير الكن
وما كنت شاطر كثير باالمدرسة بكفي فضايح ننتقل للسؤال الي بعده
: 
وش يقول هذة
